[Empresas] Chamamento á participación na Conferencia Internacional de SwL 2008

[Irene Touriño]

Estimados compañeiros,

Como saberedes, a Conferencia Internacional de Software Libre 2008 
celebrarase este ano no Palacio de Feiras e Congresos de Málaga entre os 
días 20 e 22 de outubro. Este encontro, baixo o lema "Un camiño 
sostible", reunirá a máis de 6.000 participantes do eido empresarial, do 
académico, das administracións públicas, así coma aos desenvolvedores e 
aos  membros das comunidades de software libre e de fonte aberta.

A conferencia, tras cinco edicións, tense convertido nunha *cita 
obrigada* para as persoas e as empresas relacionadas co software libre. 
Facendo deste evento, un punto de encontro inexcusable para a difusión 
de calquera iniciativa vinculada a este campo.

Dende o Centro de Referencia e Servizos de Software Libre de Galicia, co 
apoio da Directora Xeral de Promoción Industrial e da Sociedade da 
información, Helena Veiguela, queremos *reforzar este ano a presencia 
galega* no evento, coordinando as propostas co fin de reflexar do mellor 
modo posible a dimensión que este movemento ten adquirido en Galicia.

Por esa razón, facemos un chamamento ás empresas de software libre da 
nosa comunidade a participar e a remitirnos as súas suxerencias para que 
poidamos coordinar as distintas propostas. O *prazo de presentación 
remata o vindeiro día 30*, polo que vos pregariamos a maior celeridade 
no asunto.

As formas de participación pódense consultar no seguinte enderezo:

http://www.opensourceworldconference.com/oswc/calls/

As empresas, que así o desexen, tamén poderán participar como 
patrocinadoras do evento (adxuntamos documento informativo a este 
respecto).

Para concretar as vosas propostas, por favor enviádeas a 
eventos en mancomun.org ou ben accedede ao wiki 
http://wiki.mancomun.org/index.php/CISL2008

Un saúdo,
Irene Touriño

-- 
Irene Touriño Eirín - Mancomun.org 
Centro de Referencia e Servizos de Software Libre de Galicia 
http://www.mancomun.org 
mancomun en mancomun.org