[Softlibre-edugal] Documento TIC_e_Soft_Libre_no_Ensino_en_Galicia

[Xosé]

Traballei en principio sobre o “BORRADOR do documento base a presentar á 
Consellería. Ver. 0.5” porque a wiki non estaba accesíbel nas últimas horas. 
Agora xa está e os comentarios siguen a este.

En vez de “problemas observables”: “Análise da situación actual”.

Reordenar ámbitos:
1.- Ámbito administración (xunto os dous de Carrión):
	a) Consellaría: organigrama: quen depende de quen, quen resolve que problema; 
relación con outras consellerías, p.ex. mancomun.org; prazos, normas, xestión 
de usuarios,...
	b) Centros e servizos (institutos, CEFOREs, servizos centrais, 
delegacións,...): responsabilidades: dedicación específica, aplicación de 
directivas, mantemento,...

Incluiría nalgún lugar a publicación de normativas que establezan os formatos 
dos documentos oficiais (lembrades que, até 3 ou 4 anos, os ficheiros tiñan 
que ir en WordPerfect?): PDF/A, ODF,...

2.- Ámbito técnico
- Non “Ámbito técnico docente do propio centro” porque, tal e como está, polo 
menos, afecta ao deseño global
- Copiar aquí todo o feito por Carrión.
- No punto 7, en vez de “subsistemas”, chamarlles “módulos”: é máis “amigábel” 
que un profe pida “instálasme o módulo de ofimática?” que “instálasme o 
subsistema de ofimática?”.
- No punto 10.A, engadir un 4º: proba en centros piloto (criterio: solicitude 
do centro, escollendo primeiro aqueles que teñan participado en proxectos de 
innovación, regrados ou non).

3.- Ámbito formación
-Diferenciar entre documentación e formación.
-A documentación sería responsabilidade do SIEGA e a formación dos CEFOREs.
-Para a documentación hai que asegurar a participación “de abaixo arriba”, 
posibelmente mediante a colaboración usando wikis e non CMS, como o de Drupal 
actual.

----

Sobre o texto actualmente na wiki: 
(http://www.galpon.org/modules/phpwiki/index.php/TIC_e_Soft_Libre_no_Ensino_en_Galicia)

-Substituir os ámbitos polos de Carrión, reordenados como propoño. Paréceme 
importante separar o que é administrativo (“Implantación del Departamento de 
Informática en todos los Centros en base a ratios por PCs: PTICs (Profesores 
TIC)” do que é técnico (“creación dun SBC (“Sistema Base Común) para a 
unificación de esforzos de soporte, documentación, formación, etc...”) e, 
finalmente, a formación.
-Non empregar o termo “docencia” por dúas razóns: o SBC empregaríase tamén en 
servizos administrativos (elaboración de nóminas, concurso de traslados, 
xestión de substitutos, XADE,...) e como docencia eu prefiro circunscribirme 
ao que fan os profes coa tecnoloxía, independentemente de cal sexa esta e de 
como se organice.
-Eliminar as referencias explícitas aos ciclos formativos de informática 
(“ciclos” na wiki) porque son un ámbito moi reducido, ainda que non negarei a 
súa importancia.


Xosé