[Softlibre-edugal] Maquinas virtuais

[Antonio de Andres]

Ola,

Este correo pode ser interesante para aqueles que usen máquinas virtuais nas 
clases, fundamentalment os profesores de ciclos de informática. Os que non as 
usedes (ou non saibades que é iso), podedes borralo directamente.

O caso é que atopei un programa chamado VirtualBox (http://www.virtualbox.org) 
para traballar con máquinas virtuais e levo facendo probas con el uns días e 
a verdade é que vai moi ben. Entre as súas vantaxes:
- Bo interfax de usuario.
- Funciona en Windows e Linux (Na web di que para executalo en Windows hai que 
ter privilexios de administrador, pero a min funcionoume tamén cun usuario 
normal)
- Vai como un tiro (tanto en Windows como en Linux).
- Permíteche configurar redes dende as máquinas virtuais con NAT ou 
directamente facendo unha interfaz de rede de ponte (moi útil para facer 
prácticas de ruteo en redes). Ademáis, tes unha opción para cambiar a MAC da 
tarxeta de rede virtual cando queiras.
- Moita documentación de todo tipo na web.
- É gratis. Na web hai dispoñibles dúas versións, unha open source (OSE) (que 
se podería traducir e incluír no SBC ;)) e outra en binarios que inclúe 
algunha característica máis (non moito) e gratuíta para uso persoal e 
EDUCATIVO (o di expresamente na licencia).

Eu vouno instalar no centro para usalo nas clases de redes este terceiro 
trimestre. Xa vos direi que tal vai. Se vos animades a usalo xa me 
contaredes.

Un saúdo,

Antonio