[Softlibre-edugal] Ferramentas equivalentes

[Carlos Carrión]

Ola a todos/as

Dende a Consellería de Educación queren buscar ferramentas en SL 
equivalentes a estas outras privativas, para o desenvolvemento de materiais.
Se podedes botar unha man será ben recibida.

Na produción dos materiais de FPD imos a empregar unha serie de ferramentas para conseguir dous obxectivos:

Interactividade na navegación.
Interactividade nos contidos.

No mercado existen múltiples ferramentas de pago e nos interesaría valorar algunhas solucións de código aberto; a continuación indico algunhas:

- Deseño gráfico (tipo CorelDraw)
- Tratamento de imaxes (Tipo Photoshop; existe baixo licenza Freeware: Thumbnails; e baixo licencia GNU: GIMP )
- Tratamento de son (tipo Audition: existe baixo licencia GNU  Home Cdex)
- Tratamento de vídeo (tipo Premiere)
- Deseño web (tipo Dreamweaver) 
- Deseño gráfico de animacións multimedia (tipo Flash)
- Deseño de simulacións e presentacións interactivas (tipo Captivate; existe baixo licencia Freeware: Wink)
- Ferramentas de xeración de actividades, probas de avaliación... (en distribución libre existen multitude de ferramentas: LIM, Edilim, HotPotatoes, JClic, WinEsquema)
- Deseño de materiais educativos multimedia (tipo Toolboock, Director, Authorware; en licencia open source Exe-learning)

Neste aspecto, gustaríame que, se coñecedes algunha ferramenta de código aberto das indicadas arriba, coa que traballarades, ou algunha que encaixe en algún dos apartados anteriores; nos fixerades unha valoración atendendo aos seguintes aspectos:

- facilidade de uso
- tempo de formación necesario para traballar con ela
- Calidade do material producido
- Posibilidade de uso de idioma galego, castelán
- Existencia de versión para windows
- calquera outra que consideredes


(IMPORTANTE!!) Tamén nos podedes axudar indicando algún programa que realice o seguinte:

- Conversión DOC (rtf) a XML (LIMPA!!, non como a de Word) dende documento Word ou Writer
- Conversión  XML a HTML (en multipáxina) usando CSS ou XSL

Este tipo de conversión debe ser configurable para que se poida automatizar o proceso.



Moitas grazas!!

Un saúdo